अभिलेख तथा प्रतिवेदन

 राष्ट्रिय निःशुल्क स्वास्थ्य सेवा कार्यक्रम अन्तर्गत प्रदान गरिने सबै प्रकारका सेवाहरुको अभिलेख तथा प्रतिवेदन विद्यमान एकीकृत स्वास्थ्य सूचना प्रणालीमा समावेस गर्नुपर्छ जसको वारेमा संक्षेपमा देहायमा उल्लेख गरिएको छ । साथै यस कार्यक्रमको लागि तोकिएको लक्षित वर्ग मध्ये प्रत्येक समूहलाई दिइएको संकेत नम्बर पनि अभिलेख तथा प्रतिवेदनमा उल्लेख गरेको हुनुपर्छ । यसो गरेमा हरेक समूहले कुन कुन सेवा उपभोग गरेका रहेछन भनी समिक्षा तथा मूल्याँकन गर्न सजिलो हुन्छ । तर जनस्वास्थ्य सम्बन्धी विभिन्न कार्यक्रमबाट प्रदान गरिने स्वास्थ्य सेवाहरु सबै निःशुल्क नै हुने भएकोले ती सेवाहरुको वारेमा अभिलेख राख्दा र प्रतिवेदन तयार गर्दा हाल लक्षित वर्गका समूहको संकेत नम्बर उल्लेख गरीरहनु पर्दैन, मन्त्रालय विभागको परिपत्र, निर्देशन अनुसार हुने छ । अभिलेख तथा प्रतिवेदनको सन्दर्भमा सबैभन्दा पहिले मूलदर्ता रजिष्टरमा नाम दर्ता गर्नुपर्छ । त्यसैगरी विरामी दर्ता रजिष्टर, सेवा रजिष्टर लगायत अन्य रजिष्टर, कार्डमा पनि अभिलेख राख्नुपर्छ । आकस्मिक सेवा लिन आउने विरामीको सन्दर्भमा अभिलेख राख्दा HMIS No 38 र HSIS No 6.5 मा फोटो अभिलेख राखेको हुनुपर्छ । बाह्य सेवा रजिष्टरमा अभिलेख राख्दा उपचार महलमा औषधीको नाम, मात्रा र वितरण गरिएको जम्मा मात्रा उल्लेख गर्नुपर्छ । यस कार्यक्रमका सेवाहरुको वारेमा अभिलेख राख्न र प्रतिवेदन गर्न सकिने गरी एकीकृत स्वास्थ्य सूचना व्यवस्थापन प्रणालीमा रहेका रजिष्टर, फारम आदिमा समायोजन गर्दै लगिएको छ । दैनिक तथा मासिक प्रतिवेदन फारमको ढाँचा देहायमा दिइएको छ ।