औषधी, औजार–उपकरणको खरिद तथा आपूर्ति व्यवस्था ः

जिल्ला (जन) स्वास्थ्य कार्यालय वा अस्पतालमा औषधी एवं औजार उपकरणको लागि उपलब्ध गराएको बजेटबाट अत्यावश्यकीय औषधी खरिद तथा आपूर्तिगरी लक्षित बर्गलाई अत्यावश्यक औषधी र आमनागरिकलाई सूचिकृत औषधीहरु निरन्तर रुपले निःशुल्क उपलब्ध गराउने ब्यवस्था मिलाउनु पर्छ । यसरी औषधी वितरण गर्दा अपुग हुन गएमा अस्पताल आफैले वा जि.(ज.)स्वा.का.मार्फत स्वास्थ्य सेवा विभागमा नियमानुसार थप औषधी वा बजेट माग गर्नुपर्ने छ । यदि आफ्नै श्रोतबाट औषधी खरिद गर्ने भएमा आर्थिक ऐन नियमको परिधिभित्र रहरे अत्यावश्यक सूचिकृत औषधीहरु निरन्तर उपलब्ध गराउन सकिने गरी खरिद गर्नुपर्छ । औषधिको योजना तर्जुमा गर्ने, माग गर्ने, आपूर्तिको व्यवस्थाको लागि सिफारिस गर्ने जस्ता कामको लागि अस्पताल स्तरमा गठित राष्ट्रिय निःशुल्क स्वास्थ्य सेवा योजना तथा सिफारिस कार्यदल जवाफदेही हुनेछ र यसको मूख्य जिम्मेवारी अस्पताल प्रमुखले लिनु पर्नेछ । निःशुल्क रुपमा वितरण गरिने अत्यावश्यकीय औषधीहरुको आम्दानी र खर्चको अभिलेख राख्न देहायका फारमहरु प्रयोग गर्न उपयुक्त मानिएको छ । औषधी खरिद तथा आपूर्तिको लागि प्राप्त रकमको आम्दानी र खर्चको विरण राख्ने फारम दिइएको छ । यी फारमहरुको प्रयोगबाट औषधीको मौज्दात र खर्चको स्थिति थाहा पाउन सकिन्छ र रकमको विरणले गर्दा औषधीहरु कमी हुनासाथ पुन ः आपूर्ति गर्ने तर्फ आवश्यक कारवाही गर्न पनि सजिलो हुन्छ